انا ودموعي...!!

ترجيتك وانا دموعي تنادي لا تفارقني
تعال وعالج إحساس ٍ جرحته حيل وأهملته
قتلت الشوق في لحظة عنادك وأ نت ظالمني
وحب ٍ مات في مهده حبيبي كيف أعد مته ....؟
تناسيت الغلا وبعدك ياليت الموت ياخذني
وترحل روح محرومه عزاها حب ترجمته
جفاك وصدك اسهرني ودموع الحب تحرقني
تشتت فكري وقلبي عطيته لك ولا صنته
تغير قدري بقلبك وفيك ظنون تاخذني
قسيت وقلبك القاسي وانا للود علمته
خذوني من دفا قلبك وياما كنت توعدني
نسيت الحب و أخباره وكنّك ما تحضنته
تردد لي صدى صوتك ( أحبك ) فيها أطربني
وانا لازلت ارددها وحبّك لي تجاهلته
امانه لا تخليني انا ما اقوى تودعني
تعال ارجوك في قلب ٍ تركته يموت حطّمته
أحبك والجروح اللي من عنادي تعذبني
تراني حيل ندمانوعنادي أنت روّضته
كفانا جروح ياعمري طلبتك لاتزعلني
أنا ما اقدر على الفرقى تعال بقلب جننته
وضمه حيل لا تقسي لعالم ثاني أسرقني
ولحظة حب تاخذنا وهذا الحب هو أنته