الله يجازي من يسوي سواتك

قصيده للشاعر الكبير محمد بن فطيس المري

][`~*¤!||!¤*~`][الله يجازي من يسوي سواتك][`~*¤!||!¤*~`][

الله يجـازي مـن يسـوي سـواتـك
وبذنوب من سـوى سواتـك يجازيـك

مشيـت درب الثقـل وتحـب ذاتــك
ماتـدري انــه للمهـالـك يـوديـك

غـرك جمالـك ياخـسـاره حـلاتـك
ماتـدري ان ماغيـر طبعـك يحليـك

بتقـول زيـنـك يشـفـع لسيـآتـك
الحسن ماهو عن وفـا الحـب يعفيـك

لوالتواضـع والوفـا مــن سمـاتـك
بعت الحبايـب كلهـم ديـن واشريـك

لكـن عجـزت اغـيـرك ياجـراتـك
على الغياب اللـي بـلا عـذر ينجيـك

خطاي فـي توضيـح وشـي غلاتـك
وخطاك فـي توضيـح وشـو تغليـك

وشلـون توصينـي وتنسـا وصاتـك
وتصد عـن صوتـن تقطـع يناديـك

مافاتـك التجريـح والـعـذر فـاتـك
وتبغي الـراي الحيـن ماعـاد يمديـك

صحيح احبـك بـس هـاذي جزاتـك
بعلـمـك درس يفـيـدك ويحـيـيـك

تدري وش ابيض من خفوقك عباتك ...
وتدري وش اللي غرني نظرتـي فيـك

ادري بتستغـرب تصـبـر وجـاتـك
قصيـدة مـن واحـد كـان يبغـيـك

وتبغي تناظـر وانـت عايـش مماتـك
شف وحدتك والناس تجلـس حواليـك

وتبغي تشوف اشجع رجل فـي حياتـك
شفني وانا مقفي علـى كثـر ماغليـك


وهذا مقطع في اليوتيوب للموضوع

https://www.youtube.com/watch?v=UNMEQ_DCgsE&feature=related

ارجو ان تنال اعجابكم ................